"Ang katuturan ng karanasan at istorya'y di ang pagtanda sa mga pangyayari, kundi ang pagtamo ng aral sa kanila"

"PAG UNAWA AT HINDI PAGMEMORYA"

Marami o halos lahat sa atin ay may mga karanasan na hindi malilimutan na nagbigay aral at tumatak sa ating isipan. Sabi nga nila Experience is the best teacher at masasabi kong totoo ito. Sa mga karanasan o istorya na kapupulutan ng aral. Maaaring ang mga aral na ito ang nagbigay daan upang baguhin ang pananaw at buhay ng isang tao. Kung may isang tao man ang naglahad sa iyo ng karanasan o istorya, ang pinakamaganda mong gawin ay unawain at magmuni muni sa istorynag kanyang nilahad. Maaaring di mo iyon naranasan ngunit sa pamamagitan ng pag replek sa kanilang karanasan ay magiging bukas ang iyong isipan upang unawain at bigyang halaga ang aral na natutunan nila. Ang aral na makukuha mo ay ay pwedeng makapagpabago kung ano man ang negatibong tingin mo sa isang bagay.

Madalas na magsabi sa amin ng kanilang karanasan ang aking mga magulang tulad na lamang ng naranasan nilang kahirapan noong mga kaedaran pa lamang namin silaat ang aral na napulot ko sa kanilang karanasan ang nagbigay daan upang maaga akong mamulat sa hirap ng buhay. Natutunan kong huwag lahat iasa sa magulang at matutong tumayo sa sarili mong mga paa upang mas mahubog pa ang iyong sarili at maging handa sa panahong sarili ko na lamang ang aking kasama. Paulit ulit ko mang naririnig ngunit sapat naman upang mamulat ang aking isipan.

Ang karanasang ating naranasan ay lilipas din at di na mauulit pa, ngunit ang aral na binigay nito sa atin ay nagbigay at magbibigay inspirasyon upang mas maging huwaran sa paglipas ng panahon.